इरानका सर्वोच्च नेतालाई ट्रम्पले चेतावनी दिदैं भने– बोल्दा होस पुर्याउनु - Nepal Talk
मंसिर १६ गते, २०७७

इरानका सर्वोच्च नेतालाई ट्रम्पले चेतावनी दिदैं भने– बोल्दा होस पुर्याउनु

पटक हेरिएको

अमेरिकी राष्ट्रपति डोनाल्ड ट्रम्पले इरानका सर्वोच्च धार्मिक नेता आयतोल्लाह अली खमेनिईलाई आफ्नो भाषामा सतर्क रहन चेतावनी दिएका छन् ।

ट्रम्पले शुक्रबार ट्वीट गर्दै लेखेका छन् ,‘इरानका तथाकथित ‘सर्वोच्च नेता’ जो हिजोआज सर्वोच्च रहेनन् , उनले अमेरिका र युरोपको बारेमा केही तल्लोस्तरको कुरा भनेका छन् । उनको देशको अर्थव्यवस्था बिग्रिरहेको छ, उनका जनता दुःख पाइरहेका छन् यसमा उनले आफ्नो बोलीबचनमा होस पु¥याउनुपर्छ ।’
ट्रम्पको यो ट्वीट खमेनिईलाई शुक्रबारको भाषणपछि आएको हो । आफ्नो भाषणमा खमेनीईले युक्रेनमा यात्रु विमान ‘गलती’ले खसाएकोमा आफ्नो सेनाको प्रतिरक्षा गरेका थिए ।
उनले भने ,‘ यो दुर्घटनाबाट हामी दुःखी भइरहदाँ हाम्रा शत्रु निक्कै खुसी छन् । तिनको खुसी रिभोलुसनरी गार्ड र हाम्रो सेनामाथि प्रश्न उठाउन ठाँउ पाएकोमा हो । ’

शत्रु भनेर खमेनीईले अमेरिका र उसको मित्र देशतर्फ संकेत गरेका थिए । अमेरिकाले केही अघि इरानका शिर्ष सैन्य कमाण्डरको हत्या गरेपछि दुई देशबीच तनाव बढेको छ ।

अमेरिकाले इरानको कुद्स फौजका प्रमुख जनरल कासिम सुलेमानीलाई इराकमा बग्दाद विमानस्थलबाहिर एक ड्रोन आक्रमण गरेर मारेको थियो । यसपछि दुईदेशबीच तनाव बढेको छ ।
Loading...

प्रतिकृया लेख्नुहोस्: