आजको पत्रपत्रिका - Nepal Talk
श्रावण २९ गते, २०७७

आजको पत्रपत्रिका

पटक हेरिएको

काठमाडौं । प्रधानमन्त्री केपी शर्मा ओली स्वास्थ्य उपचार गराएर फर्किए पछि उनले अर्का अध्यक्ष पुष्पकमल दाहाल ‘प्रचण्ड’लाई पार्टी सञ्चालनको एकल अधिकार देलान् ? भन्ने प्रश्न उब्जेको छ। यही प्रश्नको उत्तर खोज्ने प्रयास आजको कान्तिपुर दैनिकले गरेको छ।

कान्तिपुरका अनुसार पूर्व माओवादी नेताहरु पार्टी सञ्चालनको एकल अधिकार प्रचण्डलाई दिँदा विश्वासको वातावरण बन्ने बताउँछन्, तर ओली पक्षका नेताहरु त्यसका लागि तयार देखिँदैनन्।

कान्तिपुर लेख्छ, ‘अध्यक्ष दाहाललाई पार्टी सञ्चालनको पूर्ण अधिकार दिने विषयमा तत्कालीन एमालेको ओली पक्ष उदार छैन । एकता हुँदा संयुक्त अध्यक्ष रहने भन्ने सहमति भएकाले बीचमै एकजना अध्यक्षलाई मात्र अधिकार हस्तान्तरण गर्नु जायज नहुने ओली पक्षको भनाइ छ ।’

उपचारको क्रममा सिंगापुरमा रहेको बेला प्रधानमन्त्री ओलीलाई भेट्न उपाध्यक्ष बामदेव गौतम र महासचिव विष्णु पौडेल सिंगापुर नै जानुलाई पनि अर्थपूर्ण मानिएको छ। कान्तिपुरका अनुसार सिंगापुरमा ओलीसँग शारीरिक स्वास्थ्यलाभको आदानप्रदानका साथै राजनीतिक स्वास्थ्यको पनि हिसाबकिताब भएको नेकपाकै नेताहरुले आशंका गरेका छन् ।

Loading...

प्रतिकृया लेख्नुहोस्: