श्रावण ३२ गते, २०७६

विश्वकप क्रिकेटमा आज अष्ट्रेलिया र भारत भिड्दै

पटक हेरिएको

काठमाडौं । विश्वकप क्रिकेटमा आज विश्वविजेता अष्ट्रेलिया र भारतबीच प्रतिस्पर्धा हुँदैछ । नेपाली समयानुसार दिउँसो ३ बजेर १५ मिनेटमा खेल सुरु हुनेछ । यो खेल विश्वकपकै सबैभन्दा उत्कृष्ट हुनेछ । किनभने दुवै टिम विश्वकपको उपाधि दाबेदार हुन् । अष्ट्रेलिया लगातार तेस्रो खेलमा जित हात पार्ने लक्ष्यमा हुनेछ । यता, भारत भने दोस्रो जित हात पार्ने दाउँमा छ । अष्ट्रेलियाले आफ्नो पहिलो हाफमा अफगानिस्तानलाई ७ विकेटले पराजित गरेको थियो । दोस्रो खेलमा भने वेष्ट इन्डिजलाई १५ रनले पराजित गरेको अष्ट्रेलिया उच्च मनोबलमा छ । यता, भारतले भने आफ्नो पहिलो खेलमा दक्षिण अफ्रिकालाई ६ विकेटले पराजित गरेको थियो ।

दवै टिमको ब्याटिङ, बलिङ र फिल्डिङ राम्रो छ । आफ्नो दोस्रो खेलमा अष्ट्रेलियाका शीर्ष स्थानका ब्याट्सम्यान भने चल्न सकेका थिएनन् । डेभिड वार्नर, कप्तान एरोन फिन्च, उश्मन खवाजा, ग्लेन म्याक्श्वेल, मार्कुस स्टोइनिस सस्तैमा समेटिएका थिए । त्यसकारण भारतमाथि जित हात पार्नका लागि आज यी खेलाडी चल्नै पर्ने हुन्छ । यता, भारतका रोहित शर्माकै उत्कृष्ट प्रदर्शनमा दक्षिण अफ्रिकामाथि जित हात पारेको थियो । भारतका सबै ब्याट्सम्यान लयमा रहेका छन् ।

अष्ट्रेलिया टिम

आरोन फिन्च (कप्तान), स्टिभन स्मिथ, डेभिड वार्नर, ग्लेन म्याक्श्वेल, जासन बेहरेन्डोरफ, नाथन काउल्टर नाइल, उस्मान खावजा, साउन मार्स, केन रिचार्डसन, मिचेल स्टार्क, एलेक्स क्यारी, पट कुम्मिन्स, नाथन लियोन, मार्कुस स्टोइनिस र एडम जाम्पा ।

भारत टिम

विराट कोहली (कप्तान) रोहित शर्मा, युजभिन्द्र चाहाल, मेहन्द्रसिंह धोनी, केदार जाधव, कुलदीप यादव, मोहम्मद शामी, केएल राहुल, जस्प्रित बुमराह, शिखर धवन, रविन्द्र जडेजा, दिनेश कार्थिक, भुवनेश्वर कुमार, हार्दिक पाण्ड्या, विजय शंकर ।

Loading...

प्रतिकृया लेख्नुहोस्: