कर्णाली तुइनकै भरमा–प्रधानमन्त्री भन्छन तुइन विस्थापित गरिसक्यौ - Nepal Talk
आश्विन ११ गते, २०७८

कर्णाली तुइनकै भरमा–प्रधानमन्त्री भन्छन तुइन विस्थापित गरिसक्यौ

पटक हेरिएको

 

माघ, २७ कर्णाली । आजकाल प्रधानमन्त्रीले आफनो प्रगती विवरण सुंनाउदा ‘‘रानी पोखरी हामीले बनायौं, धरहरा हामीले बनायौ’ भन्ने गरेका छन् । यतिमात्रै कँहा हो र? उनले एउटा बुँदा कहिल्यै पनि छुटाउदैनन् । तुइन पुरै विस्थापित गरिसक्यौ ।’ ‘‘तुइन पुरै विस्थापित गर्याै’ भन्ने प्रधानमन्त्रीको अभिव्यक्ती सरासर झुट हो । उनले यस्ता कैंँयौ झुटका सहारामा जनताको ताली खाइरहेका छन् ।
सडक यातायातले हालसम्म नजोडिएको हिमाली जिल्ला हुम्लामा त्यहाँका स्थानीयवासीलाई कर्णाली नदी तर्न तुइन चढ्नुपर्ने बाध्यता छ । वर्षौँदेखि स्थानीयवासीले नदीमा भोलुङ्गे पुल बनाउन अनुरोध गर्दा पनि कोही कसैबाट माग पूरा नहुँदा सर्केगाड गाउँपालिका–२ रिपगाउँका नागरिकले तुइन तर्नुपरेको हो ।

पुल नहुँदा बर्सेनि तुइन तर्नु परिरहेको सर्केगाड–२ रिपगाउँका स्थानीयवासी जुनदेवी फडेराले बताए । हिउँदयाममा नदीको बहाव कम भएका कारण तुइन तर्न कम जोखिम भए पनि बर्खायाममा भने त्रासका बीच तुइन तर्नु परिरहेको फडेराले गुनासो गरे । उक्त गाउँका २०० घरधुरीका बासिन्दा दाउरा, घाँसका लागि दैनिकरूपमा तुइन तर्ने गरेका छन् । घाँस र दाउरा पनि तुइनमै तार्नुपर्ने भएका कारण धेरै भारी नदीमा खसेको फडेराले बताए ।

यस्तै खार्पुनाथ गाउँपालिका–४ मा रहेको कर्णाली नदीमा समेत तुइनकै भर पर्नु अवस्था छ । गाउँपालिकामा काम पर्दा तुइन तरेर जानुपर्ने बाध्यता नहटेको खार्पुनाथ–४ छिप्रागाउँका स्थानीयवासी बबरजङ्ग हमालले बताए । उक्त स्थानमा झोलुङ्गे पुल बनाउने योजना भए पनि निर्माण कम्पनीले हालसम्म नबनाएका कारण स्थानीयवासीलाई तुइनकै भर पर्नुपर्ने बाध्यता रहेको हमालले बताए । उक्त तुइन तर्दा धेरै स्थानीयवासीका हातमा चोट लागेको भन्दै केही महिना अगाडि एक जना स्थानीयवासी तुइनबाट खसेर घाइते भएको उनले बताए । खार्पुनाथ शिवालयबाट गाउँपालिका केन्द्रमा जाँदा बाटो लामो पर्ने भएका कारण स्थानीयवासी सबै तुइन नै तर्ने गर्छन् ।

त्यसैगरी खार्पुनाथ–२ बाक्चेगौंडा क्षेत्रमा पनि तुइनबाटै स्थानीयवासी आवतजावत गर्ने गरेको बटुवा हिक्मत शाहीले बताए । पुलको योजना परे पनि निर्माण नँहुदा यसै आर्थिक वर्ष गाउँपालिकाले कर्णाली नदी वारपार गर्न दुई स्थानमा सिमेन्टको पिलरसहितको तुइन निर्माण गरेको गाउँपालिका अध्यक्ष कर्णबहादुर रावलले बताए । स्थानीयवासीको ज्यान जोखिममा पर्ने भएका कारण तुइन निर्माण गर्नुपरेको बताए । सरकारले तुइन विस्थापन गर्ने भनेको भए पनि हुम्ला जिल्लाभरि कर्णाली नदीमाथि आधा दर्जन तुइन निर्माण भएका छन् । तुइन हटाए भनेर प्रधानमन्त्रीले कर्णालीलाई सरासर ढाँटेका छन् । आफुले गर्दै नगरेको कामलाई राजनितीको ध्वाँस दिएका छन् । उनको यो अभिव्क्तीले एकछिन सबैले पत्याएका पनि छन् । दुरदराजका कर्णाली बासिसंग प्रधानमन्त्रीले छलछामको भाषा ओकेलेको देख्दा जोकोहिलाई पनि लज्जाबोध हुनु स्वभाविक हो । उनको यो शैली र प्रबुतीले गर्दा राजनितीक संस्कारले शिर निहुराएको आभाष हुन्छ ।

reference-RSS

प्रतिकृया लेख्नुहोस्: